Parish Priest's Letter
Church Information
Articles
Activities
Events
Sunday Masses Animators
Readings for the Month
Masses Intention of the Month
Baptism
Weddings
Catholic Burial
Advertisement
Articles

Sogllim Ami Doton Xikum-IA

- Cursino R. Pinho.

Jun mhoino survatecho mhoimo mhol’lear illi-i etitai zanvchina. Junant paus suru zata ani xetkamti xetani novem bim ruzovpak suru kortat. Xallani novem xikxonnik voros suru zata. Kristi Povitr Sobhent novem gonvllik Voros suru zata. Heach sumarak dor eke igorjent Kristi bhurgeank dotonichem novem voros suru zata. Dor vorsak xallentlya xikpa sivai dotonichem xikop ani kiteak zai oxem konnui chintolo. Oslya prosnnak orthabhorit zap asa. Atamchya odhunik chali-ritink lagun mon’xachem jivit sonvsarik zait veta ani Devakoddsun disamdis pois vochot asa. Haka lagun amchyam vaddtyam bhurgyank dhormachi mullavi vollokh aslyar tanchya kristi jivitacher bhor poddttoli mhunn apxinch kollun yetolem.

Atanchi doton xikoupak khas manddavol asa. Diocesan Dotonichem kendr Pius X vidya mondir, Old Goa hatunt asa. hea kendr thollavik tornattyank voros bhor khas proxikxonn diun doton xikoupak toiyar korta. tankam ami Dev Sondexkar mhunn vollkhotanv. He catechist bhurgyank tanchi piray polloun doton xikoun Devachi sarki vollokh ditat. Povitr Sobheche sonvskar gheunk, zoxe porim poilo kommunhanv ani thiravnne sonvskar (chrism) gheunk hangach toiyari zata. Zaite pauttim thoddim avoi-bapui ekdam sonvskar prapt zale mhunnttogoch bhurgyank dotonik dhaddpak khustar kortat ani dotonik dhaddpachim bond kortat. Oxem korun innocent bhurgyanche kitlem luskonn zaunk xokta zait goddiyek atanchya avoi-bapaink sarki doton na.

Doton konnak ani kityak zai oso prosnn kelo zalyar amchya tonddar oxi zap yetoli, doton fokot bhurgyank zai. Hi chuk ami amchea jivit bhor korit ailyanv. Haka lagun zaite pavttim ami zanttim amcho khoro dhorm zannun ghevunk visortanv. Amkam sonvoi zalya amchya padrincher vo yadnikacher tanchyo chuki kaddunk. Thodde pautt tanche lagim karonn nastana ani sarki choukoxi kori nastana tanchekodden zhogddunk. Sot kollun ai-yar amkam dukh bhogche suvater ami amchem nak fuddem kaddttanv. Hem oxem ghoddunk pavta kiteak amkam amchea dhormachi sarki doton na mhunn. Toxem zalyar ami-i zanntyani dotonik vhochunk zai? Amchi dotonn zen’na Aitarachya misar provochon mon lavun aikun ami prapt korunk zata. Sermanvachya vellar igorjebhair ube ravlyar kitem kanar poddttolem? Haka lagun amkai-i doton gorjechi.

Adim amchya ghorabheani chuko nastna amori ani tersachem magnnem zatalem. Atam T.Vik lagun konnak vell asa? Adim famil ekttaim zaun jevtali atam, jevnnachi boxi t.vchya mezasin, bhirant jevtolo tonddant ghalche suvater nakant ghalit mhunnon. Aiz sarki doton asli zalyar oxem zaunk pavchem naslem. Amcho dhorm jivo dovrunk amkam doton nibel gorjechi. Doton bori korun xikun-ia ani herankui xikov-ia.